സര്‍‌വ്വേക്കല്ലില്‍ ഒരുകാല്‍ പൊക്കി
മൂത്രമൊഴിക്കുന്ന പട്ടിയല്ല ഞാന്‍...
ഞാന്‍ ശ്വാനവര്‍‌ഗ്ഗത്തിന്‍റെ
അന്തസ്സുയര്‍ത്തി അന്തപ്പു-
രങ്ങളില്‍ വസിക്കുന്നവന്‍.....
കുളിപ്പിച്ച്, ചീകി
വിദേശപരിമളത്തോടെ
കൊച്ചമ്മമാരുടെ
പൊങ്ങച്ച ചര്‍ച്ചകളിലെ
അഭിമാനമാകുന്നവന്‍.
നമ്മുടെ വംശമൊന്നാണ്‌,
ജാതിയും മതവുമൊന്നാണ്‌.
എന്നിട്ടും നീ വെറും ചാവാലി-
പട്ടിയും ഞാനൊരു ശ്വാനനും.
നീയുമൊന്നു ശ്രമിക്കുക,
പണത്തില്‍ വളരുക,
പിന്നെ ഉറക്കെ പറയുക,
ഞാനൊരു മനുഷ്യനോ
ചാവാലിപ്പട്ടിയോയല്ല,
ഞാനുമൊരു ശ്വാനനാണെന്ന്.
No comments:
Post a Comment
സത്യസന്ധമായ അഭിപ്രായം എഴുതുമല്ലോ?