പഠിക്കേണ്ടവ.

ഹൃദയം മുറിഞ്ഞ് രക്തം വരുന്നുണ്ട്, 
കണ്ണുകളില്‍ കണ്ണുനീരും. 
ചുണ്ടില്‍ വിതുമ്പുന്നുണ്ടൊരു വേദന 
നിശബ്ദമായ് കരയുന്ന മനസ്സ്. 

ചിലപ്പോള്‍ അങ്ങനെയാണ്‌, 
ചിലര്‍ തരുന്ന വേദനകള്‍ 
ആരുമറിയാതെ,
ആരോടും പറയാതെ
നൂല്‍ പൊട്ടിയ പട്ടം പോലെ
കാറ്റിനൊപ്പം, ദിശയറിയാതെ
പറന്നു നടക്കും; പിന്നെ
ഒരു തരുശാഖയില്‍ കുരുങ്ങി
ജീവനൊടുക്കും.

ഇനിയും പഠിക്കേണ്ടിയിരിക്കുന്നു
മുറിയാത്ത ഹൃദയവും
വിതുമ്പാത്ത ചുണ്ടുകളൂം
കരയാത്ത മനസ്സും, പിന്നെ
പൊട്ടാത്ത പട്ടത്തിന്നൊരു
ചരടും വാങ്ങുവാന്‍...