വികാരങ്ങളെ ഉള്ളിലൊതുക്കി
നമുക്കിടയില്‍മാന്യരായവര്‍;
അവരെ "ഓ, വലിയ മാന്യരെന്ന്-
വിളിച്ച് പുച്ഛിക്കുന്നവര്‍.
പട്ടിയുടെ ലൈംഗികത പോലെ
വികാരങ്ങളെ നിയന്ത്രിക്കാതെ
നമുക്കിടയില്‍ മാന്യതയില്ലാതായവര്‍;
അവരെ വൃത്തികെട്ടവരെന്ന്-
വിളിച്ച് ഇകഴ്ത്തുന്നവര്‍.
ഉപമിക്കാനൊരു മൃഗമില്ലാതെ,
ഇരുളടഞ്ഞ ഒറ്റമുറികളില്‍
മറ്റാരും കാണാതേതോ
ശരീരവുമായി വികാരങ്ങ-
ളൊഴുക്കി കളയുന്നവര്‍;
അവരെ നല്ലവരെന്നു-
വിളിച്ച് പുകഴ്ത്തുന്നവര്‍.
തിരിച്ചറിവുകളുടെ
ആകാശനീലിമയില്‍
സത്യമെന്നത്,പട്ടത്തിന്‍
പൊട്ടാറായ നൂല്‌ പോലെ.
No comments:
Post a Comment
സത്യസന്ധമായ അഭിപ്രായം എഴുതുമല്ലോ?