Saturday, July 19, 2008

അവള്‍.

അന്ന് ഞാനാ റ്റാറ്റാ ഇന്‍ഡിക്ക കാര്‍ ചവിട്ടി നിര്‍ത്തി-
പുറത്തേക്കു നോക്കിയതവളുടെ മുഖത്തേക്കായിരിന്നു.
അപ്പോള്‍ അവള്‍ സമ്മാനിച്ചയാ പുഞ്ചിരി ഒരി-
ക്കലും മറക്കാന്‍ കഴിയാതിരുന്നതെന്‍‌റ തെറ്റോ?

പിന്നെ അവളോടകലാന്‍ ശ്രമിച്ചപ്പോഴൊക്കെയും
അരയില്‍ കൈചുറ്റി ചേര്‍ത്തു പിടിച്ചതും,
കൈകള്‍ കയ്യോടു ചേര്‍ത്തു പിടിച്ചിട്ടൊരി-
ക്കലും വേര്‍പിരിയില്ലെന്നു പറഞ്ഞതുമവളല്ലേ?

അവള്‍ക്കായ് ബിഗ് ബസാറുകള്‍ കയറിയിറങ്ങി-
ഞാന്‍, പാന്‍‌റ്റലൂംസുകള്‍ കൂട്ടുകാരായി.
മക്ഡൊണാള്‍ഡുകള്‍ കയറി മടുത്തു
പിന്നെ നിത്യസന്ദര്‍ശകരായി ബീച്ചിലും പാര്‍ക്കിലും.

ഇടയ്ക്കെപ്പോഴോ ബിസിനസ്സുകള്‍ പൊട്ടി,
റ്റാറ്റാ ഇന്‍ഡിക്ക സൈക്കിളിനു വഴിമാറീ.
ബാങ്ക് ബാലന്‍സില്‍ പൂജ്യത്തിനെണ്ണം കൂറഞ്ഞു,
ബംഗ്ലാവ്‌ വിട്ട് വാടക വീട്ടിലായ് താമസം.

അപ്പോഴും അവള്‍ പുഞ്ചിരിക്കുന്നുണ്ടായിരുന്നു,
പാന്‍‌റ്റലൂംസും മക്ഡൊണാള്‍ഡും കയറിയിറങ്ങുന്നുണ്ടായിരുന്നു,
നിത്യസന്ദര്‍ശകയായിരുന്നാ ബീച്ചിലും പാര്‍ക്കിലും,
റ്റാറ്റാ സഫാരിയില്‍ കറങ്ങി നടന്നവള്‍.

അപ്പോഴും അവള്‍ ആരുടേയോ അരയില്‍
കൈചുറ്റി ചേര്‍ത്തു പിടിച്ചിരുന്നു.
കൈകള്‍ കയ്യോടു ചേര്‍ത്തു പിടിച്ചിട്ടൊരിക്കലും
വേര്‍പിരിയില്ലെന്നു പറയുന്നുണ്ടായിരിന്നു.

3 comments:

  1. ഇതാണ്‍ ഹരെ പ്രേമം സ്നെഹതിനും പ്രണയത്തിനും ഇങ്ങനെ ഒരു മുഖം കഴിയില്ല.....
    പ്രേമം എന്ന വാക്കിനെ ഞാന്‍ ഇഷ്ടപ്പെടാത്തതും ഇതുകൊണ്ട് തന്നെ

    ReplyDelete
  2. very nice presentation

    snehapoorvam

    jp

    ReplyDelete
  3. haree
    Ninnodara.parange..Big bassarilokke kayaran..cheriya valla kadyilum..kayariya porayirunno..Biharil..Big bassr okkeundoda...

    ReplyDelete

സത്യസന്ധമായ അഭിപ്രായം എഴുതുമല്ലോ?