മനുഷ്യാ, നിന്നിലെ
ദൈവത്തെ ഞാന്‍ കണ്ടത്
ശൂന്യതയില്‍ നിന്നെടുത്ത
ഒരുപിടി ഭസ്മത്തിലല്ല.
പകരം,
നീ നല്‍കിയ ചോറുണ്ട
പട്ടിണിക്കാരന്‍റെ
വാക്കുകളില്‍ നിന്നാണ്‌..
മനുഷ്യാ, നിന്നിലെ
പിശാചിനെ ഞാന്‍ കണ്ടത്
കെട്ടുകഥകളിലെ
വികൃത രൂപത്തില്‍ നിന്നല്ല.
പകരം,
ആര്‍ത്തലച്ചു കരയുന്ന,
മാനം നഷ്ടപ്പെട്ട ആ
പെണ്ണിന്‍റെ കരച്ചിലിലാണ്‌..
മനുഷ്യാ, നിന്നിലെ
മനുഷ്യനെ ഞാന്‍ കണ്ടത്
പട്ടു കുപ്പായത്തിലോ
മണിമന്ദിരത്തിലോ അല്ല.
പകരം,
അന്യന്‍റെ ദു:ഖം കേട്ട്
ഒരു തുള്ളി കണ്ണുനീര്‍
പൊഴിച്ച നിന്‍റെ മനസ്സിലാണ്‌.
No comments:
Post a Comment
സത്യസന്ധമായ അഭിപ്രായം എഴുതുമല്ലോ?