പ്രണയ നാപിനിയിലെ
രസഗോളമുയരുന്നു;
അകലെയൊരു കടല്‍ത്തിര
തീരത്തെ പുല്‍കുന്നു.
ഒന്നാകാന്‍ കൊതിച്ചതും
ഒറ്റയായ് തീര്‍ന്നതും;
നിറമുള്ള സ്വപ്നങ്ങള്‍
കൂരിരുട്ടായതും.
ഒരുവേള നിന്നെ
പുല്‍കാന്‍ കൊതിച്ചതും;
മറുനിമിഷത്തിലത്
തെറ്റെന്ന് ധരിച്ചതും.
ഒരാലിലത്താലി
നിനക്കായ് പണിതതും;
മഞ്ഞച്ചരടൊന്ന്
കൈയ്യില്‍ വച്ചതും.
ഒരു ദിനം നീയെന്നെ
തള്ളിപ്പറഞ്ഞതും;
പിന്നെയീ നാടൊന്നു വിട്ട്
ഞാനോടി മറഞ്ഞതും.
നിന്‍റെയീ പച്ചമണ്‍കൂനയ്ക്ക്
മുന്നില്‍ ഞാന്‍ നില്‍ക്കുമ്പോഴ-
റിയുന്നു, യെന്തിനു വേണ്ടിയെന്‍
പ്രണയത്തെ ത്യജിച്ചെന്നെ,ന്തിനു
വേണ്ടിയെന്നെ തഴഞ്ഞെന്ന്.
ഉള്ളിലൊരു തിരയായ്
നീ എന്നെ തഴുകുന്നു,
പ്രണയ നാപിനിയിലെ
രസഗോളം താഴുന്നു.
രസഗോളമുയരുന്നു;
അകലെയൊരു കടല്‍ത്തിര
തീരത്തെ പുല്‍കുന്നു.
ഒന്നാകാന്‍ കൊതിച്ചതും
ഒറ്റയായ് തീര്‍ന്നതും;
നിറമുള്ള സ്വപ്നങ്ങള്‍
കൂരിരുട്ടായതും.
ഒരുവേള നിന്നെ
പുല്‍കാന്‍ കൊതിച്ചതും;
മറുനിമിഷത്തിലത്
തെറ്റെന്ന് ധരിച്ചതും.
ഒരാലിലത്താലി
നിനക്കായ് പണിതതും;
മഞ്ഞച്ചരടൊന്ന്
കൈയ്യില്‍ വച്ചതും.
ഒരു ദിനം നീയെന്നെ
തള്ളിപ്പറഞ്ഞതും;
പിന്നെയീ നാടൊന്നു വിട്ട്
ഞാനോടി മറഞ്ഞതും.
നിന്‍റെയീ പച്ചമണ്‍കൂനയ്ക്ക്
മുന്നില്‍ ഞാന്‍ നില്‍ക്കുമ്പോഴ-
റിയുന്നു, യെന്തിനു വേണ്ടിയെന്‍
പ്രണയത്തെ ത്യജിച്ചെന്നെ,ന്തിനു
വേണ്ടിയെന്നെ തഴഞ്ഞെന്ന്.
ഉള്ളിലൊരു തിരയായ്
നീ എന്നെ തഴുകുന്നു,
പ്രണയ നാപിനിയിലെ
രസഗോളം താഴുന്നു.
No comments:
Post a Comment
സത്യസന്ധമായ അഭിപ്രായം എഴുതുമല്ലോ?