മരണത്തിലേക്കുള്ള യാത്ര.

ചിലതങ്ങനെയാണ്‌, 
അണയും മുന്‍പാളിക്കത്തും. 
ചിലര്‍ ആളിക്കത്തിക്കും; 
പിന്നെ 
പെയ്യുന്ന മഴയെ പറ്റി, 
പൊള്ളൂന്ന ചൂടിനെ പറ്റി, 
നോക്കാത്ത നോട്ടത്തെ പറ്റി, 
പറയാത്ത വാക്കിനെ പറ്റി
കുറ്റം പറഞ്ഞ്‌ പരിഭവിക്കും.

എന്നിലെവിടെയോ കത്തുന്ന
മാംസത്തിന്‍റെ ഗന്ധം.
നീയെറിഞ്ഞ കുറ്റത്തിന്‍റെ തീപ്പന്തം
എന്നെ എവിടെയോ
പൊള്ളിക്കുന്നുണ്ട്.

ഞാനൊരഗ്നികുണ്ഡമാകും മുന്‍പേ
നീയൊരു മഞ്ഞുമലയാകുക;
പിന്നെയെന്നിലേക്കുരികിയിറങ്ങുക,
അങ്ങനെയാ തീയണയ്ക്കുക.

എനിക്കൊരു നിമിഷത്തിലെ
മരണമാണിഷ്ടം.
വേദനിക്കാതെ, കരയാതെ
ചിരിച്ചുകൊണ്ടുള്ള മരണം.