Friday, February 22, 2013

നരകത്തിന്‍റെ കാവല്‍ക്കാര്‍.

അച്ഛനെന്നു വിളിച്ചയാളാല്‍ 
തിരസ്ക്കരിക്കപ്പെട്ടതയാളുടെ 
ബീജങ്ങള്‍ക്കിത്ര ശക്തിയുണ്ടാ-
കില്ലെന്നറിയാഞ്ഞിട്ടാകുമോ? 

അവിടെ നിരന്നു നില്‍ക്കുന്നവരുടെ 
ഇടയില്‍ നിന്നൊരമ്മയെ കണ്ടെത്തണം, 
വാടകയ്ക്ക് ഗര്‍ഭപാത്രം നല്‍കിയ,
പ്രസവിച്ചിട്ടുമമ്മയാകാത്ത അമ്മയെ.

ഇന്നീ കടത്തിണ്ണയില്‍ കിടക്കുമ്പോള്‍
കൂട്ടിനുള്ളതീ ബീഡികുറ്റികള്‍ മാത്രം.
അകലെയെവിടെയോ കേള്‍ക്കുന്നുണ്ട്
ദൈവവചനത്തിന്‍റെ ഗീര്‍‌വ്വാണം.

മരിച്ചിട്ടുയര്‍ത്തെഴുന്നേറ്റവനും
മരിക്കാതെ സ്വര്‍‌ഗ്ഗത്തില്‍ പോയവനും
ഒരമ്പിനാല്‍ ജഡമായവനും
ഇന്ന് നരകത്തിന്‍ കാവല്‍ക്കാര്‍.

ഒരു സുഖസുഷുബ്ധിയില്‍
എന്നിലെ പ്രാണനകലുമ്പോള്‍
കാണാന്‍ കൊതിച്ച ദൈവം
അരികിലേക്ക് വന്നതാകുമോ?

No comments:

Post a Comment

സത്യസന്ധമായ അഭിപ്രായം എഴുതുമല്ലോ?